Sempre me asombra

 

Gris contorno, bretemoso e sume.

Lisco perseguida polo tempo

lusco fusco, fusca

vida, acelerada busco

futuro que nunca chega a selo.fogo no cabalo furado

Quen pensar no sol?

Velaí asoma eternal

velorio que me asombra.

Bola inmensa, vermello vello ardor

matiz heterodoxo, innovación

fogo no cabalo furado das Cíes

peso ardente no lombo

que nin Sísifo

o furado das Cíes nin cabalo

pedra asento incandescente

bola ardor

nebuloso lume

imitando tons de Turner,

cando vello

declive sintético, abastracción.

Tarde neboenta, sol

insólita felicidade.

 

 

 

Advertisements

De bacteria a conciencia

No fondo abismal, bacteria, ser minúscula                                                                                                                                             teimaches pola vida.

bacteria

Tan antiga e tan amiga

A socairo dun lapso morno, escuro                                                                                                           da esfera nívea, perduraches.                                                                                                                       Foron necesarias glaciacións,                                                                                                                       eternas noites xélidas                                                                                                                                      para emerxeres.

Ninguén agarda o estoupar da bola                                                                                                           cataclismo de neve aberta, rachada en simas

tan afastada e tan preto

tan afastada e tan preto

volcáns e pedras, confusión e cráteres                                                 lumes vermellos do centro da terra.                                                  E ríos corren.

Aprendes a respirar noutros elementos.                                            O caos xerou a orde.                                                                                  De tempo en tempo, de espazo en espazo                                                                                                                                                                       medras, colles outras formas, evolucionas,                                   por azar e necesidade                                                                                                                                                                                                           dás en seres con cerebro e con conciencia                                                                                                                                                         coma min.                                                                                                                                                                                                                 Veño de ti. Es o meu elo perdido.

Sei que algún día rachará                                                                                                                                                                                       este lazo animal que nos une.                                                                                                                                                                                      Pero non a vida.

IGUAZÚ

Ás veces nos agardan bolboretas.

Inesperadas, amarelas merodean

confiadas e sutiles bolboretas

vibrátiles no xiro corporal.

1232225196899_f

Nunca tanta bolboreta vira

nin viñeran ao meu peiro tan amigas

mamando en min como na flor.

Bolboretas como beizos de bebé

adormecidas, tan leves e suaves como

ousadas libándome as meixelas,

Inmutable non respiro.

Son corola, son pistilo amante

son suspiro.

Instante alífero.

15/12/2013

OBSTINACIÓN

Obstinación

Ollada escrita nos beizos

beixo, morada da ollada.

Ollar fulgor na melena

volcán relampo nos beizos.

Ulo destino do teu ollar?

son quen recolle o fulgor

vou quimándome co ardor

que me desborda na boca.

Río de lume

de estar a porta aberta

mergullaríame.

Sexa como for

levo días eternos

con ansias de bicarte.

Vigo, 7/12/2013.  Rapto lírico. MXQ

Faro das Cíes

Desde a fiestra do meu salón, vía a ría desde Cangas ás Cíes cando comecei a habitar o piso, no ano 1965. Hoxe unicamente vexo o faro das illas Cíes emarcado por dous edificios. Unha pintura que lostrega á noite e dá fe da Ría de Vigo. Escribinlle un poema.

FARO DAS CÍES

No lusco e fusco melancólico e furtivo 

entra a noite como luz velada

apagando os cadros do meu salón.

Coa elegancia da anguía, Pousa sae da paisaxe

e retorna a Goián.

Laxeiro asina o retrato do ano coranta e oito.

Seoane cruza o atlántico cos seus polbos informes.

As liñas Pollock, ira de Reimundo Patiño

son as últimas que se lusquefusquen.

Recorro á fiestra para ver a escuridade.

Velaí!

Un estalar de Ría salfire nos cristais

un aroma de algas cruza a estancia en tropel.

É o faro das Cíes, intermitente brillo

único vestixio da Ría

admirada outrora na mesma fiestra

antes de que o cemento cubrise o mar de Cangas

edificios novos se alzasen na cidade

mentres fun envellecendo.

Velaí a senlleira testumuña da Ría de Vigo

entre marcos de cemento, xorde

o faro das Cíes.

MXQ.    Vigo, 30/11/2013